Alta Terra di Lavoro

già Terra Laboris,già Liburia, già Leboria olim Campania Felix

’a monaca ’e monza:poesia di Raffaele Pisani

Posted by on Gen 21, 2020

’a monaca ’e monza:poesia di Raffaele Pisani

’a monaca ’e monza
ce steva llà na monaca assaie bella:
suora Geltrude, na bellezza rara.
era però na strana munacella,
teneva ll’uocchie doce e ’a vocca amara.
’e vvote malinconica e paurosa,
’e vvote curaggiosa e scapricciata;

mo allera, mo gentile, mo scuntrosa,
po’ tutto nzieme mesta e timurata.
che storia triste ’a vita ’e ’sta nennella
nata int’ ’o bene, ’n miez’a ll’allegria,
e po’ nzerrata llà, dint’a na cella…
che sciorta nfama! che malincunia!
pecché? pecché ’sta povera criatura
mo se truvava dint’ ’o munastero?
(’o desiderio ’e sta’ dint’ ’a clausura
nun l’era maie passato p’ ’o penziero;

canzone, feste, vase e spasimante:
chesto vuleva! chesto se sunnava!
e nno ’sta vita ’e spàseme, mancante
’e tutto chello ch’essa s’aspettava.)
colpa d’ ’o pate, pirchio e scemunito,
ca pe’ nun darle ’a dota ca se dà
quanno na figlia vo’ piglià marito,
penzaie dint’ ’o cunvento d’ ’a nzerrà:
Geltrude, p’ ’o dulore, p’ ’a tristezza,
p’ ’a nfamità ’e stu pate carugnone,
jettaie tutte ’e vvirtù dint’ ’a munnezza
e strapazzaie onore e religione.
cercava l’occasione sulamente
pe’ fa’ supirchiarie e marvaggità:
mettette ’a cora ’o diavulo fetente
e chella avette l’opportunità.
ce steva nu palazzo ch’affacciava
proprio dint’ ’o ciardino ’e stu cunvento,
e ’o proprietario – egidio – se spassava
a sfruculià, cu tutt’ ’o sentimento,
’a munacella… e avé chella figliola
nun le custaie assaie; nu surdeglino,
nu pizzo a rrisa, ’accenno ’e ’na parola,

e succedette chello ca ’o destino
aveva ’a tiempo dint’ ’o libbro scritto.
ah, povera nennella sfurtunata!
pe’ colpa ’e chillu pate maleditto
addeventaie ’a peggia disgrazia

fonte https://pulcinella291.forumfree.it/?t=77267688

Submit a Comment

Il tuo indirizzo email non sarà pubblicato. I campi obbligatori sono contrassegnati *

*

Questo sito usa Akismet per ridurre lo spam. Scopri come i tuoi dati vengono elaborati.