‘O chianchiere ” di Ferdinando Russo declamata da Nino Taranto
‘O CHIANCHIERE (Il macellaio)
Na dummeneca d’agusto,
era nfaccia a vintun’ore,
nu chianchiere ch’era muorto
jette ncielo add’ ‘o Signore.
Fora’e mmure ‘o Paraviso,
cu nu sole ca scuttava,
steva quase nu migliare
tutto ‘e gente c’aspettava.
Chi, assettato, ‘e fatte ‘e casa
se cuntava nnanza ‘e pporte;
nu guaglione mbraccio a’ mamma
picciàva forte forte,
e nu monaco cercante
smicciava a na nennella,
ca cu n’aco arrepezzava
nu pertuso a la vunnella.
Nu pezzente ‘e San Gennaro
se chiagneva ‘a tabbacchera
ca lassai sotto’ ‘o cuscino
zeppa zeppa chella sera;
nu cecato, sulo sulo
se fumava nu mezzone
appuiato capa e mane
ncopp’ ‘o pumo d’ ‘o bastone;
e na chiorma ‘e sartulelle,
cu ‘e ffrangette e ‘e vveste corte,
se cuntavano redenno
comme va ch’erano morte..
.A la vista de San Pietro
,ch’affacciato ‘o spurtellino
se metteva a chiammà l‘appello
cu San Paolo vicino.
tuttu quante, zitto zitto,
s’agghiustàjeno a ffilere,
comm’a nnanza ‘o capitano‘
e suldate int’ ‘o quartiere.
— Bona ggè, tenite a mente:
chi nun dice ‘a verità,quant’è certa chesta chiave,
de trasì s’ ‘o ppò scurdà!
E accussì dicenno, ‘o SantoGuardaporta,
se pigliaie da San Paolo ‘o riggistro,
e l’appello accumminciaie.
— Peppenella ‘a ‘Nzalatara!
— Eccuccà, songo prisente!
— Fatte nnanza!
‘Onna Rusina‘a mugliera d’ ‘o sargente!
— So’ prisente!
— rispunnevan’ata voce, a doppo n’ata.
— ‘Onn’Alfredo Scognamillo‘o marito ‘a Pezzecatal
— So’ prisénte!
—A poco a poco se passaie ‘o centenaro.
Nce trasette na mudista,‘o cecato, nu craparo,
‘o guaglione che chiagneva,
na capera, nu fuchista,
‘a famiglia ‘e n’ugliararo
,nu scrivano e nu marmista.
‘O chianchiere, che parevanu tantillo malandrino
cu ‘e ddoi mane annascunnute
sotta sott’ ‘o mantesino,
ogne tanto aizava ‘a capa
aspettannose ‘a chiammata
e guardannose a San Pietro
cu na mossa ammartenata.
sentenno finalmente,
doppo n’ato paro d’ore,
da San Pietro ‘o nomme suoio:
— Nu chianchiere! Salvatore!
chiano chiano s’accustaie mazzecanno:
— Eccome ccà!Tanto tiempo ce vuleva?
So’ prisente, Santità!
—Ma che rùseche nucelle?
Ma ched’è, faie ‘o bruttone?
Leva ‘e mmane ‘a lloco ssotto
scrianzato lazzarone!
Basta, va, chi t’ha mannato?
— E pecché chest’addimanna?
Tuttuquante so’ trasute,
e a me sulo, chi me manna?
So’ venuto ca me spetta,
quant’è certo ‘o mese ‘Austo!
Va te nforma!
Io ncopp’ ‘o munno
aggio dato ‘o piso justo
Tu chi si’, famme capace?
Fusse cchiù ‘e nu guardaporta?
Te si’ mmiso c’ ‘o cumanno,
ma cu mme fai palla corta!
Che m’assigne a parlà sparo
‘a dereto ‘o fenestiello?T
e vulesse int’ ‘a zumpata
pietto a pietto, c’ ‘o curtiello?
Scinne abbascio!
…—A Santo Pietrole sbatteva ‘o core mpietto,
ma penzaie: Si mo’ nun scengo
ccà me pèrdeno ‘e rispetto.
E nzerranno ‘o fenestiello,
cu duie zumpe aprette ‘a mosta;
ma vedenno mmano a chillo
na curtella ‘e chesta posta
,pigliai tale fuiarella
ca starrà fuienno ancora
!‘O chianchiere ‘o secutava
,e accussì pe’ cchiù de n’ora!
Chesto mo’, venimmoncenne,
jette a’ recchia ‘o Pat’Eterno,
ca parlava cu San Marco
assettato a nu pepierno.
Ditto nfatto, cumannaie
ca San Marco fosse juto fora ‘e mmura,
addu San Pietro,pe vedé de darle aiuto.
Ma San Marco, appaurato,rispunnette:
— Comm’ ‘e ditto?
Che nce stongo sultant’io?
Manna a Ciro, a Beneditto,
a Pascale Baylonne,a San Giorgio, a Sant’Antuono
…Justo a me te si’ diretto?
Pat’Etè, quanto si’ bbuono!
Chesta vota nun me cuoglie!
T’ ‘e scurdata ‘a storia vecchia?I
o po’ vaco, faccio ‘o guappo
,e nce perdo n’ata recchia!
fonte https://pulcinella291.forumfree.it/?t=77361884
invio in corso...
