Alta Terra di Lavoro

Me voglio spartere:di Ferdinando russo

Posted by altaterradilavoro on Gen 15, 2022

Prufessò, m’aggia spartere! — E perchè?
— Ciccilo me fa tanta nfamità…
— E che ti fa, sentiamo, che ti fa?
— Nu muorzo ‘e rrobba nun m’ ‘o fa vedè!

— Ma sta a spasso? — Gniernò, sta a faticà!
È tagliatore ‘e pell’ ‘e guante… — Che?!
E che guadagno fa? — Chello ched’è:
una e cinquanta, una e sissanta, va!

— E tu che fai? — Che faccio, neh signò?
Parola mia nun me ne fido cchiù!
Chillo, ‘o juorno, che ssa’ chello che vo’!

Po’ quann’è ‘a sera, ‘o vino ‘o fa ammalì!
Se retira, se cocca, e « ronfa tu! »
Facite c’aggio tuorto, signurì?!

fonte

Me voglio spartere:di Ferdinando russo – LE POESIE DEGLI ALTRI (forumfree.it)

‘A scuppettella d’oro:di Ferdinando Russo

Posted by altaterradilavoro on Gen 4, 2022

Sempe ca n’ ata vota me ‘nnammoro,
e v’ ‘o ddico cu ‘a risa e cu ‘a pazzia,
me voglio fa’ na scuppettella d’ oro
pe’ tirà sempe nfronte a nenna mia.
E tanto ‘a tiro nfronte, e tanto faccio,
anfino a quanno nun me cade mbraccio,
anfino a quanno nun me dice: – Aiuto!
È stato ‘Ammore tuio ca m’ ha feruto!

‘A scuppettella d’oro di Ferdinando Russo

Posted by altaterradilavoro on Nov 4, 2021

Sempe ca n’ ata vota me ‘nnammoro,
e v’ ‘o ddico cu ‘a risa e cu ‘a pazzia,
me voglio fa’ na scuppettella d’ oro
pe’ tirà sempe nfronte a nenna mia.
E tanto ‘a tiro nfronte, e tanto faccio,
anfino a quanno nun me cade mbraccio,
anfino a quanno nun me dice: – Aiuto!
È stato ‘Ammore tuio ca m’ ha feruto!

fonte

‘A scuppettella d’oro:di Ferdinando Russo – LE POESIE DEGLI ALTRI (forumfree.it)

Sott’’o balcone di Ferdinando Russo

Posted by altaterradilavoro on Dic 18, 2020

So’ venute a sunà cierti cecate
sott’’o balcone addò t’ aspetto a te.
Tutt’’e ccanzone meje t’hanno cantate,
ma nun ce stive. Ire luntana ‘a me.