Alta Terra di Lavoro

già Terra Laboris,già Liburia, già Leboria olim Campania Felix

Giovan Battista Basile-Lo cunto de li cunti (XXXIV)

Posted by on Mar 6, 2024

Giovan Battista Basile-Lo cunto de li cunti (XXXIV)

QUARTA IORNATA

Poco ’nanze era sciuta l’Arba a cercare lo veveraggio a li fatecature, ca poco poteva stare a spontare lo Sole, quanno li princepe ianche e nigre se trovattero a lo luoco de l’appontamiento, ne lo quale erano poco ’nanze arrivate le dece femmene, c’avennose fatto na ventrecata de ceuze rosse avevano fatto lo musso comm’a mano de tentore, che tutte ’nziemme se iezero a sedere a canto na fontana, che serveva de schiecco a cierte piede de cetrangolo mentre se ’ntrezzavano le capo pe cecare lo Sole.

Read More

Giovan Battista Basile-Lo cunto de li cunti (II)

Posted by on Gen 19, 2024

Giovan Battista Basile-Lo cunto de li cunti (II)

LO CUNTO DELL’UERCO TRATTENEMIENTO PRIMMO DE LA IORNATA PRIMMA

Antuono de Marigliano, ped essere l’arcifanfaro de li catammare cacciato da la mamma, se mese a li servizie de n’uerco, da lo quale volenno vedere la casa soia è regalato chiù vote, e sempre se fa corrivare da no tavernaro; all’utemo le da na mazza la quale castiga la ’gnoranza soia, fa pagare la penetenza all’oste de la furbaria e arricchisce la casa soia.

Read More

Giovan Battista Basile-Lo cunto de li cunti

Posted by on Gen 18, 2024

Giovan Battista Basile-Lo cunto de li cunti

PRIMMA GIORNATA

’NTRODUZIONE

Fu proverbeio de chille stascioniato, de la maglia antica, che chi cerca chello che non deve trova chello che non vole e chiara cosa è che la scigna pe cauzare stivale restaie ’ncappata pe lo pede, come soccesse a na schiava pezzente, che non avenno portato maie scarpe a li piede voze portare corona ’n capo. Ma, perché tutto lo stuorto ne porta la mola e una vene che sconta tutte, all’utemo, avennose pe mala strata osorpato chello che toccava ad autro, ’ncappaie a la rota de li cauce e quanto se n’era chiù sagliuta ’mperecuoccolo tanto fu maggiore la vrociolata, de la manera che secota.

Read More