‘E vvoce ”,poesia di Pasquale Ruocco

Posted by altaterradilavoro on Ago 24, 2023

Simmo duie core ca se vonno bene,
redimmo e pazziammo l’ore sane:
‘e vote, io dongo a voce ‘e l’amarene,
tu rispunne cu’ ‘a voce d’ ‘e truiane.5

So’ belle comm’ ‘e vierze ‘e ‘na canzone
‘sti voce ‘e fruttaiuole e parulane,6

so’ ‘e mutive d’ ‘o tiempo e d’ ‘a staggione,
‘o calannario d’ ‘e napulitane.
Cantammo assieme e addora ‘st’aria fresca
‘e frutte e sciure: e l’anema se ‘nfrasca…
I’ dongo ‘a voce d’ ‘a catalanesca7

e tu dai chella d’ ‘e limone ‘e Pasca.