Alta Terra di Lavoro

già Terra Laboris,già Liburia, già Leboria olim Campania Felix

‘O càntaro e ‘arciulo stupenda poesia di Gianna Caiazzo

Posted by on Mar 7, 2020

‘O càntaro e ‘arciulo stupenda poesia di Gianna Caiazzo

Nu càntaro e n’arciulo,
saglienno p”a ‘Nfrascata,
‘nu juorno se scuntrajeno
pe ccaso mmiez’ â strata.

– Neh, guarda a cchistu càntaro!-
dicette ll’ uno a ll’ ato.
-Ma comme, io songo ‘arciulo
e mme daje ‘sta vuttata?-

– Scusate, Don Arciulo,
nun ll’ aggio fatto apposta,
ma pe scanzà ‘a carretta
so’ gghiuto â parta vosta –
– E stateve cchiù attiento,
ca ccà simmo signure,
nun simmo abbituate
a ffà bbrutti ffigure.-

– E tt’aggio ditto scusa
che vvaje truvanno cchiù?
Mme pare ca p”a strata
nce stisse sulo tu! –

– Ma io songo n’arciulo,
so’ ffine e ddelicato…
tu me putive rompere
cu cchella ddio ‘e vuttata! –

– E gghià nun v’arraggiate,
ca nunn è ppena ‘e morte…
comme ve ll’aggia dicere
ca nun me ne so’ accorto?

So’ ccose ca succedeno… –
– E ‘nziste, ‘stu cafone! –
– Signó mo m’hê sfasteriato…-
– Mmesurate ‘e pparole!

Ma tu vide a ‘stu zimmaro,
se mmereta ‘e mmazzate.
Ringrazia ca so’ arciulo…
‘Stu piezzo ‘e scustumato! –

– Ma quale arciulo e arciulo…
ma tu te sî gguardato?
Tu sî ssulo ‘nu càntaro,
‘nu càntaro e nient’ato. –

fonte https://pulcinella291.forumfree.it/?t=77173264

Submit a Comment

Il tuo indirizzo email non sarà pubblicato.

*

Questo sito usa Akismet per ridurre lo spam. Scopri come i tuoi dati vengono elaborati.