‘O sfogo d’ ‘a Terra
Risciata ‘a Terra mo’ ca’ tutto tace,
chi ‘a martoriava a’ casa ‘sta ‘nzerrato,
era malata e nun’ truvava pace,
L’ amme trattata male e amme pavato!
Se sta’ sananno ‘o buco ‘int’ all’ozono ,
ll’aria s’ e’ fatta limpida e liggera,
prufuma, e finalmente sape ‘e bbuono,
senza cchiu’ smog addora ‘e primmavera.
Chisto è ‘o riscatto d’anne ‘e patimiente,
chello ca nunn’ avimme maje capito…
‘A Terra s’é stancata de’ turmiente,
e senza ‘n’ avvisaglia ‘ncia’ punito.
Serveva ‘sta lezione pe’ capì,
ca ‘a vita è sacra e s’ adda rispetta’,
ca’ a nu mumento a ‘n’ato po’ ferni’,
e cca’ ‘n’ata occasione non ce sta!
Filomena Di Sarno.
fonte
invio in corso...
