Alta Terra di Lavoro

già Terra Laboris,già Liburia, già Leboria olim Campania Felix

Pe’ chi nun ’o sape di Angelo M. Cozza

Posted by on Set 15, 2021

Pe’ chi nun ’o sape di Angelo M. Cozza

Da quanno ’o core na fèmmena
me cunsuma e nun me dà pace
chello ca d’ ’a matina a’ sera
vulesso e me passa pa’ capa
è ca ’e sùbbeto ’a morte
venesso a me piglià.


Si, oje morte, fa ambressa
viene nun me fa aspettà
assaje stànco so ’e campà!
Nzèrra st’uocchje e pigliàte
stà vita ca nun saccio che ne fà!
N’ammore ca m’accumpagnasso
pa’ vecchiaia a essa cercajo;
’a ’mmescafrancesca, senza cuscienza,
d’int’a nu suonne sunnato
fauza cu prumesse m’arravugliaje:
’a cartera sapeva buono ’o juoco
cu l’asse d’o spuglià futteva
a tutte chillo ca ’ncuntrava
l’arte d’ ’o mbruglià fino cunuscevo!
-E’ à stà sèmpe cu mme!-
cuffianno nu juorno me decetto
senza nu muzzeco ’e bene
e i’ povero scemo lle credetto
’a bona pella p”o lietto
fatto ’e fatte suoje
dànno ’a nnummenata ’a ’e figlje
-ca sanno sulo scamazzà chi lle fà benemmentaje ’na buscìa
e cu ’na vutat’ ’e mente
’a vita mia dint’a niente arrevutaje:
senza ragione e senza scuorno
annuro e svestute ’e speranze
miezz’ ’a via me sbatteva
comme si i’ nisciuno fosse stàto.
Si uno arrobba va carcerato
ma chi t’arrobba ’o core
cu na prumessa ca nun mantene
o pe’ pingiarìa arrecoglie
sulo pe’ nu sfizio suoie
che pena pò addà scuntà?
Comme se po’ cuntà
chello c’aggio patuto
’a purcaria a tradimento
fatta ’a uno comme a mme
’o dulore ca ’a famiglia mia
aggio dato e pure m’a purdunato.
Mprusato nun voglio campà:
accussì, nun pozzo campà!
Morte viene mo
nun me fa cchiù aspettà
nun me fa fesso pure tu
dicennemo: -Ntrica n’atu poco
ca ancora a tiene ’na speranza
’nu mutivo pe’ campà
ca dimano n’ata luce ce po’ stà!-
Famme cuntento, damme pace:
a sti mariuole ’e bene e dignità
nun me fa cchiu’ pensà
all’ombra d’ ’a croce, morte
pe’ sèmpe, famme arrepusà!

fonte

Pe’ chi nun ’o sape;poesia di Angelo M. Cozza – LE POESIE DEGLI ALTRI (forumfree.it)

Submit a Comment

Il tuo indirizzo email non sarà pubblicato.

*

Questo sito usa Akismet per ridurre lo spam. Scopri come i tuoi dati vengono elaborati.