ZEZA – ZEZA

Posted by altaterradilavoro on Dic 26, 2024

L’avvocato Vincenzo Legnante, ex-sindaco di S. Arpino e illustre componente del Comitato scientifico dell’Istituto di Studi Atellani, ci ha lasciato.

Crediamo che il miglior modo di onorare la sua memoria sia quello di pubblicare, di volta in volta, alcuni suoi studi, ancora inediti, sulla storia e sul folklore atellano.
Quella che segue è un’antica azione scenica cantata, del ‘600-700, da lui raccolta più di 20 anni fa, nella zona atellana.

ZEZA – ZEZA

Personaggi –
Pulcinella, marito di Zeza-Zeza
Vicenzella, loro figliuola, per le cui grazie Don Nicola, notabile del tempo, spasima.
Coro

ATTO UNICO – SCENA UNICA – CORO
Pulcinella e Zeza-zeza, indi Vicenzella e poi Don Nicola

PULCINELLA
(nell’atto di uscire di casa)

Zeza-zeza, ca i’ mo’ esche
statte attient’à stà figliola;
tu lle si mamma e fance
nà bbona scola

Coro – ultimo versetto

Nun a fà ascì e trasì,
nun la fà pratticà
ca chelle che nun sape
se po’ ‘mparare…

Nun ‘nce penzare a ccheste,
maretielle bellu mie;
chest’ a’ figliola
l’agge crisciuta ie…

Coro: ultimo versetto
(uscito Pulcinella):

La voglio fa’ scialare
cu’ cciente ‘nnammurate,
cu’ princepe, signure
e cu’ li abbati…

Coro: ultimo versetto
Vicenzella (entrando):

Mamma, ma’ vide chi vene
chillo me pare o’ zi’ don Nicola,
che libbre sott’o’racce scenne
a’ copp’a’ scola …..

Coro: ultimo versetto

Ca si’ isse me vulesse,
mo’ mo’ m’o’ spusarrie,
‘nnanz’a’ sta’ ccise e’ tate
nun nce starrie …

Coro: ultimo versetto
(e carezzevole a don Nicola che è entrato):

Ma zi’ don Nico’ chè state,
Zi’ don Nico’ c’avite,
pecché accussì sdignate
site venute? …

Coro: ultimo versetto
Don Nicola – (espansivo):

Pe’ tte’, bella quattrana,
me songhe ‘nzallanute,
tutte lu’ cerevielle
agge perdute! …

Coro: ultimo versetto

Non vado più allo «studio»,
nemmen’a’ «Vicaria»,
penzanne sempe a te
bellezza mia!..

Coro: ultimo versetto
(e si abbracciano sotto lo sguardo compiaciuto di Zeza-Zeza)

arréte, arréte, arréte

(Don Nicola e Vicenzella scappano)
Zeza-Zeza (intervenendo)

A lu’ canchere che t’afferre
dint’a’ stu’ bruttu nase,
chill’era don Fabrizio,
o’ patrone e’ case…
Vuleva li denare,
de la terza passate,
e si nun era pe’ Vicenzella,
ive carcerate..!

Coro: ultimo versetto
Pulc. (alla folla che si è fatta):

Innanz’a’ sta’ piezze’ mpesa
de mugliera…
Aiere sser’a’ casa,
nun’ truvaie a’ cannela appesa
e Don Nicola sott’o’liette
steve..
Ah, che ‘nce faceva?

Coro: ultimo versetto

Ma sta vota nun m’a faie,
pezzo di bastardona,
si’ sott’o’ liett’ancora
ll’ai’annascuse …
Si’ o’ ‘ncocce, nun’ ‘o sacce
chelle che ne succede..
ve lev’a’ tutt’e’ dduie o’ stentenielle…

(smargiasso)
(Don Nicola, ricompare ed impetuoso):

Basta, ormai basta, pezzo ‘e cacarone,
difenditi se puoi dal mio bastone

(e si scaglia …)

Mugliera, mia mugliera, apàreme sti’ botte..
dancella, dancella subbete a Vicenzella nosta..

(Abbraccio delle due coppie e gran finale rumoroso con partecipazione danzata del coro).