Alta Terra di Lavoro

già Terra Laboris,già Liburia, già Leboria olim Campania Felix

POESIE IN LINGUA NAPOLETANA

Posted by on Dic 2, 2020

POESIE IN LINGUA NAPOLETANA

QUANNO NASCE NU CRIATURO

Quanno nasce nu criaturo,
’ncielo, pronta, na fatella,
corre e appiccia dint’ ’o scuro,
lustra e nova n’ata stella.

Na cumeta ’nnargentata
ca lle dà forza e curaggio,
e lle ’mmosta qual è ’a strata,
comme fosse nu Rre Maggio.

E p’ ’o cielo è ’a cchiù splennente
comm’ ’a stella d’ ’o Messia.
Quanno ’a mamma ’a tene mente
dice: «Chella è ’a stella mia!

E pe’ cchesto tanta stelle
fanno chiare ’e nnotte scure:
stelle grosse e piccerelle
c’accumpagnano ’e ccriature.

di Claudio pennino

In difesa della razza Taliana:sfogo di un emigrato

Io ’o assapevo c’accussì ferneva

Me ll’aggio miso ’ncapa e ll’aggio fatto,

Quanno na chenca [combriccola, gang] ’e ’nfame se credeva,

’ E me rompere ll’ova nel piatto [guastare, compromettere i piani].

M’hanno cacciato fora e che me ’mporta…

Hanno chiamato pure ’a pulezia.

I’ quanno veco ’e fà ’na cosa storta,

Arrischierebbe sempe ’a vita mia.

Nc’è stata ’a seduta al clubbo [circolo, club] mio,

Na chenca disprezzava ’e taliane…

Allora ho detto: No… Basta per Dio!…

Me so’miso ’alluccà: Figli di cani…

’a meglia d’’e cchiù mmeglie è ’a razza nosta,

Se mi girate tutto il mappamondo

In cielo in terra per tutta la crosta

Il taliano è il più meglio del mondo.

Uno alluccato: Ma lei vi sbagliate…

E tanno so’ currute le palate.

M’hanno levato ’a sotto.

Vuleva fà nu muorzo

di quel professor scenziato col pantalone sfonnato

Il professore ha fatto un trascorso [discorso] …

io nun haggio capito niente,

però aggio acchiappato ca diceva le bugiarderie.

Parlanno di noi avesse truvato na cosa bbona?…

Chello nun serve, chell’ato s’hadda ittà.

Allora mi sono susuto [alzato] e ho parlato taliano io pure:

Professore lei siete un miserabile

e con rispetto e con crianza

io te dongo ciento cauce ala panza.

E se lei siete uomo di colore usci fuori!

di Eduardo Migliaccio

fonte

https://pulcinella291.forumfree.it/?t=76147817

Submit a Comment

Il tuo indirizzo email non sarà pubblicato.

*

Questo sito usa Akismet per ridurre lo spam. Scopri come i tuoi dati vengono elaborati.